Meleyay Megham Mangiyo Lyrics | മേലെയായ് മേഘം മങ്ങിയോ | Ashwaaroodan Malayalam Movie Songs Lyrics


 
മേലെയായ് മേഘം മങ്ങിയോ
താഴെയായ് മോഹം വിങ്ങിയോ
വെയിലകലുമീ വഴിയിൽ
ഇരുളലയുടെ പരിഹാസം
അങ്ങകലെയായ് 
സൂര്യനെരിഞ്ഞ നിമിഷം
മേലെയായ് മേഘം മങ്ങിയോ
താഴെയായ് മോഹം വിങ്ങിയോ

തേജോവസന്തം കടലില്‍ 
താഴുന്നു മെല്ലെ
നീലാരവിന്ദം കടവില്‍ 
കേഴുന്നു താനേ
പൊന്‍നൂലു പാകുമൊരു 
വെൺചേല ചിന്തിയോ
നിന്‍ തങ്കനാളമിഴിയില്‍ 
തിമിര കാന്തിയായോ

നിശതന്‍ തിരയില്‍ 
പുഴയാല്‍ തുഴയുന്നോ
നീ ഉദയം വിരിയും 
കരയെ തിരയുന്നോ
നേരമാവാതെ ഇന്നീ രാവില്‍ 
താരലോകാധിപന്‍
 
മേലെയായ് മേഘം മങ്ങിയോ
താഴെയായ് മോഹം വിങ്ങിയോ

സന്ധ്യാംബരത്തിൻ ചിതയില്‍ 
ചെഞ്ചോര ചിന്നി 
സിന്ദൂരതാലം ചിതറി 
മണ്ണിന്റെ മാറില്‍
നിന്‍ സ്വപ്നമൊന്നുതകരും 
നെഞ്ചു മൗനമായ്
കല്‍മണ്ഡപങ്ങളിലെ 
മൺവീണ തേങ്ങിടുമ്പോള്‍
മുകിലേ തിരിയില്‍ 
കരിയായ് മാറുന്നോ
ഈ പകലോന്‍ ഇനിയും 
കതിരായ് തെളിയാനായ്
നിദ്രമായുന്ന കാലം വരുവാന്‍ 
ധ്യാനമായ് പൂവുകള്‍

മേലെയായ് മേഘം മങ്ങിയോ
താഴെയായ് മോഹം വിങ്ങിയോ
വെയിലകലുമീ വഴിയിൽ
ഇരുളലയുടെ പരിഹാസം
അങ്ങകലെയായ് 
സൂര്യനെരിഞ്ഞ നിമിഷം

LYRICS IN ENGLISH

No comments

Theme images by imacon. Powered by Blogger.