Palkudangal Song Lyrics - പാൽക്കുടങ്ങൾ തുളുമ്പും - Pranaya Nilavu Malayalam Movie Songs Lyrics


 
പാൽക്കുടങ്ങൾ തുളുമ്പും 
നിലാപ്പെണ്ണിനും ദാവണി പ്രായമല്ലേ
പൊൻകിനാക്കൾ നിനക്കായി 
കടം തന്നൊരീ കാറ്റിനും നാണമില്ലേ
കണ്ണെറിയാത്തൊരു മച്ചമില്ലേ 
അന്നുഞാൻ കണ്ടതല്ലേ ഓർമ്മയില്ലേ

കാർമുകിൽ മിഴിപ്പീലികൾ 
വിടർന്നൊരീ താഴ്വാരമെന്റെയായി 
മാരിവിൽ മണിത്തൂവലിൽ 
നിറം ചാലിച്ച മേനിയും സ്വന്തമായി 
കുളിചൊരുങ്ങാനെന്റെ മാനസപൊയ്കയും 
കുടനിവർത്താൻ നിനക്കേഴു സ്വപ്നവർണ്ണവും 
എടുത്തണിയാൻ നൂറു ചെമ്പകപ്പൂക്കളും 
അടുത്തുറങ്ങാൻ ഇതൾ താമരപ്പൂമെത്തയും
ഇന്ന്നിൻ പേരിൽ ത്തന്നില്ലയോ 
എന്നുമെൻ ഓർമ്മയിൽ നീയല്ലയോ

പാൽക്കുടങ്ങൾ തുളുമ്പും 
നിലാപ്പെണ്ണിനും ദാവണി പ്രായമല്ലേ
പൊൻകിനാക്കൾ നിനക്കായി 
കടം തന്നൊരീ കാറ്റിനും നാണമില്ലേ

രാവുകൾ രഥവീഥിയിൽ 
മദനോത്സവം കാണുന്ന വേളയിൽ 
മൂകമായി തിരിതാഴ്ത്തി 
വിരൽപ്പാടുകൾ മായ്ക്കുന്നു താരകൾ
നഖമുന കൊണ്ടുഞാൻ തീർത്തൊരീ കാവ്യവും 
നളിനദലങ്ങളിൽ നീ പകർന്ന ലഹരിയും 
തിരിയുമിന്നേഴുമീ കണ്ണിലെ നാണവും 
ഒരു വിളിപ്പാടകലെ കാത്തുനിന്ന സ്വർഗ്ഗവും 
ഒന്നുമീ രാവുകൾക്കറിയില്ലയോ 
എന്നുമീ ദാഹങ്ങളൊന്നല്ലയോ 

പാൽക്കുടങ്ങൾ തുളുമ്പും 
നിലാപ്പെണ്ണിനും ദാവണി പ്രായമല്ലേ
പൊൻകിനാക്കൾ നിനക്കായി 
കടം തന്നൊരീ കാറ്റിനും നാണമില്ലേ
കണ്ണെറിയാത്തൊരു മച്ചമില്ലേ 
അന്നുഞാൻ കണ്ടതല്ലേ ഓർമ്മയില്ലേ

LYRICS IN ENGLISH


No comments

Theme images by imacon. Powered by Blogger.